Мәдәният 17 гыйнвар 2017 20:16

Камал театрының «Бармы ришвәттән дәва?» спектакле берьяклы килеп чыккан – Ф.Сибагатуллин

Дәүләт Думасы депутаты спектакльне караганнан соң ришвәтчелек турында фикерен җиткерде.

Скопировать ссылку

(Казан, 17 гыйнвар, «Татар-информ», Александр Долгов). Россия Дәүләт Думасы депутаты, язучы, танылган дәүләт һәм җәмәгать эшлеклесе Фатыйх Сибагатуллин Г.Камал театрының Мәскәүдәге гастрольләре репертуарындагы коррупция проблемасы каты тәнкыйтьләнүче «Бармы ришвәттән дәва?» спектакленә игътибар иткән. Депутат сүзләренчә, Россиядә ришвәтне тамырдан корыту кирәк. Ул бу хакта "Татар-информ" корреспондентына белдерде.

«Хәзерге вакытта Дәүләт Думасында ришвәтчелеккә каршы көрәштә законнарны камилләштерү бара. Әгәр дә закон кабул ителсә, ришвәтченең генә түгел, аның туганнарының да мөлкәте конфискацияләнәчәк. Ришвәтчелекне тамырдан корыту өчен лаеклы хезмәт хакы түләргә кирәк, шулай ук идеология кирәк. Төп проблема нәкъ менә идеология булмауда.

Ә «Бармы ришвәттән дәва?» спектакленә килсәк, ул берьяклы гына килеп чыккан», – дип белдерде Фатыйх Сибагатуллин.

#Фатыйх Сибагатуллин

Сәхифәләр

Камал театрының «Бармы ришвәттән дәва?» спектакле берьяклы килеп чыккан – Ф.Сибагатуллин