Камал театрында «Тамашачы тамашасы» спектакле премьерасы була
«Россия өчен чагыштырмача яңа театр алымнары белән эшләнгән һәм Татарстанда дәүләт театры сәхнәсендә куелган беренче спектакль», - ди оештыручылар.
(Казан, 3 февраль, «Татар-информ»). 13 февральдә Камал театрының кече сәхнәсендә «Тамашачы тамашасы» спектакленең премьерасы була.
Театрның матбугат хезмәте хәбәр иткәнчә, 12 кеше: 11 хатын кыз һәм 1 егет үзләренең театрга карата мөнәсәбәте турында сөйли.
«Аларны бер-берсе белән тик театрга мәхәббәт берләштерә. Ә тормышта алар төрле буын вәкилләре һәм һөнәри өлкәләрдә эшләүче кешеләр. Шуңа күрә, зур мәхәббәт булганга карамастан, аларның театрга тәкъдимнәре дә төрле», диелә бу хәбәрдә.
«Тамашачы тамашасы» — Россия өчен чагыштырмача яңа театр алымнары белән эшләнгән һәм Татарстанда дәүләт театры сәхнәсендә куелган беренче спектакль, дип хәбәр итте театрның матбугат хезмәте.