Камал театрында Лена Шагыйрьҗанның тууына 80 ел тулуга багышланган шигъри кичә була
Скопировать ссылку
31 октябрьдә 19.00 сәгатьтә Г. Камал исемендәге Татар дәүләт академия театрында (Һ.Такташ ур., 74, Көнчыгыш зал) Татарстанның халык шагыйре, Г.Тукай исемендәге Дәүләт премиясе лауреаты Лена Шагыйрьҗанның тууына 80 ел тулуга багышланган «Мин шигырьдә калам!..» дип исемләнгән шигъри-музыкаль кичә була. Бу хакта ТР Язучылар берлегенең матбугат хезмәте хәбәр итә.
Фото: © ТР Язучылар берлегенең матбугат хезмәте
Чакыру билетларын Язучылар берлегеннән алырга мөмкин, диелә хәбәрдә.
- «Боҗра вә Хөҗрә: Шигырьләр, поэмалар» (Татарстан китап нәшрияты, Казан, 2002 ел) һәм «Сагынмалык: Истәлекләр, багышламалар» (Татарстан китап нәшрияты, Казан, 2005 ел) җыентыклары өчен Лена Галимҗан кызы Шакирҗанова 2011 елда Г. Тукай премиясенә ия була. 2016 елда «Татар әдәбиятын үстерүгә зур өлеш кертүе һәм күпьеллык иҗади эшчәнлеге өчен» Татарстан Республикасының халык шагыйре исеме бирелә.