Камал театрында Италия остасы ясаган Сәмруг кошы сыны урнаштырылды
Скопировать ссылку
Камал театры фойесында Италиянең танылган рәссамы Марко Бравура ясаган мифик Сәмруг кошы сыны урнаштырылган. Оста скульптураны Казанга эксклюзив бүләк итеп тапшырган. Бу хакта «Миллиард.Татар» телеграм-каналында хәбәр итә.
Сәмруг кошы – борынгы төрки символ. Ул тынычлык һәм яңарышны аңлата. Бравураның алтын смальтадан, муран пыяласыннан һәм ярымкыйммәтле ташлардан ясалгаң яңа эше буыннар бәйләнешен һәм киләчәккә омтылуны символлаштыра.
Театр тамашачылары шедеврны 27 ноябрьдән күрә алачак. Скульптура ЮНЕСКО саклавындагы «Феникс кошы» циклына керә.