Камал театры Венгриядә Халыкара фестивальдә катнаша
Камал театры артистлары Будапештта «Килмешәк» спектаклен күрсәтәчәк.
Скопировать ссылку
(Казан, 26 март, «Татар-информ»). Галиәсгар Камал исемендәге Татар дәүләт академия театры Будапештта Мадача исемендәге VI Халыкара театр фестивалендә катнашачак. Бу хакта театрның матбугат хезмәте хәбәр итә.
23 апрельдә Венгриянең милли театры сәхнәсендә Камал театры артистлары Сөмбел Гаффарова пьесасы буенча Фәрит Бикчәнтәев куелышында «Килмешәк» спектаклен күрсәтәчәк.
Фестиваль программасында Бөекбритания, Сербия, Венгрия, Дания, Украина, Литва, Чехия, Германия, Португалия, Казахстан, Словакия, Франция, Швеция театрлары бар. Россияне Камал һәм Вахтангов (Мәскәү шәһәре) театрлары тәкъдим итәчәк.
- Камал театры MITEMда беренче тапкыр гына катнашмый. 2014 елда фестиваль программасында «Җәйнең бер көнендә» спектакле күрсәтелде.