Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Камал театры Кайбыч һәм Мөслимдә Галия Кайбицкая һәм Наил Әюповны искә алачак
Бу хакта Камал театрының матбугат хезмәте хәбәр итә
(Казан, 25 август, "Татар-информ"). 6 сентябрьдә 14.00 сәгатьтә Кайбыч районы Мәдәният йортында Татарстанның халык артисткасы Галия Кайбицкаяның тууына 110 ел тулуга багышланган кичә үтәчәк. Бу хакта Камал театрының матбугат хезмәте хәбәр итә.
6Кичәдә Россиянең һәм Татарстанның халык артисты Әзһәр Шакиров артистка хакындагы истәлекләре белән бүлешәчәк. Шулай ук чарада Россиянең атказанган, Татарстанның халык артисты Илдус Әхмәтҗанов, Татарстанның халык артистлары Фирая Әкбәрова һәм Фоат Әбүбәкеров, Татарстанның атказанган артистлары Илсөя Төхфәтуллина һәм Әхмәт Кәримов, Гөлчәчәк Гайфетдинова, Динә Закирова катнаша.
7 сентябрьдә 18.00 сәгатьтә Мөслим районы Мәдәният йортында Россиянең атказанган, Татарстанның халык артисты Наил Әюповны искә алу кичәсе үтә. Кичәдә Татарстанның халык артистлары Хәлим Җәләлов һәм Луара Шакирҗанова данлыклы артист хакындагы истәлекләре белән бүлешәчәк. Шулай ук әлеге чарада Россиянең атказанган, Татарстанның халык артисты Илдус Әхмәтҗанов, Татарстанның халык артистлары Фирая Әкбәрова, Әсхәт Хисмәтов, Фоат Әбүбәкеров, Татарстанның атказанган артисты Әхмәт Кәримов һәм Динә Закирова катнашалар. Алар башкаруында шигырьләр, җырлар, музыкаль номерлар яңгыраячак.
Кызыклы яңалыкларны күзәтеп бару өчен Телеграм-каналга язылыгыз