Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Камал театры хәзер идеаль урында» — «Акыл фабрикасы»нда тарихчы, культуролог фикере
«Акыл фабрикасы» белем бирү форумының лекциясеннән соң, сөйләүчегә Камал театрының урнашуы хакында сорау бирелде.
![«Камал театры хәзер идеаль урында» — «Акыл фабрикасы»нда тарихчы, культуролог фикере](https://tatar-inform.tatar/resize/shd/images/uploads/news/2021/11/14/09f82ec960df0bd37839acecd8617f115433f6893ced5159825d69b3d9a3.jpg)
(Казан, 14 ноябрь, «Татар-информ», Гөлия Хәсбиуллина). «Акыл фабрикасы»нда Камал театрының яңа бинасын башка җиргә салу урынына тагын нәрсә эшләп булуы хакында фикер яңгырады.
Бүген Казанның «Смена» заманча мәдәният үзәгендә «Акыл фабрикасы» белем бирү форумының «Мәдәният һәм урбанистика» темасына багышланган лекцияләр үтә.
Казан мисалында шәһәрне өйрәнү ысуллары турында сөйләшүдән соң, «Татар-информ» фотографы Салават Камалетдинов Камал театрының урыны үзгәрүе турында сорады.
Сезнеңчә, театрны күчерү хакында кабул ителгән карар максатына ярашлымы, яки театрны, хәзерге урынында калдырып, реконструкцияләргә була идеме?
Бу очракта үзем өчен генә җавап бирәм. Минемчә, хәзер ул идеаль урында тора. Татар бистәсе икегә - Болак арты һәм Кабан арты өлешләренә бүленә. Болак арты — ул фикерләр кайнаган урын. Анда Печән базары, Кәримовлар типографиясе, татар биржасы булган. Ә икенчесе - Мәржәниле, Насыйриле өлеш — ул мәдәни ландшафтны билгеләүче берничә гаиләнең яшәү урыны булып торган. Камал театры — татар милләтен формалаштырган мәдәни код. Ул нәкъ уртада урнашкан.
Мин архитектор түгел, шуңа күрә миңа театрның күчү мәсьәләсе турында әйтү авыр. Мөмкин булса, якындагы башка биналарның кайберләрен театрга биреп, аларның форматын үзгәртү ягын карар идем, — диде тарихчы, культуролог Энҗе Дусаева.
Кызыклы яңалыкларны күзәтеп бару өчен Телеграм-каналга язылыгыз