Авыл 18 ноябрь 2018 12:31

Кама Тамагының Тениш бистәсе халкы канализацияле, сулы булачак

Бу эшләрне үзара салым акчасына башкарырга ниятлиләр.

Скопировать ссылку

(Кама Тамагы, 18 ноябрь, "Татар-информ", "Идел таңнары"). 2019 елда Кама Тамагы районының Тениш бистәсе халкы канализацияле, сулы булачак. Үзара салым акчасы шушы эшләргә һәм Бөек Ватан сугышында һәлак улучыларга һәйкәл кую өчен тотылачак. Бу хакта район газетасы хәбәр итә.

"Киләсе елда президент программасы нигезенә безнең мәктәп төзекләндереләчәк. Бистә халкын тулысынча су белән тәэмин итү күздә тотыла. Канализация челтәре төзү бурычы тора", - дип белдерде җирлек башлыгы Илнур Гиниятов.

Аның сүзләренчә, быел үзара салым акчасына клуб алдындагы мәйданны яңартканнар. Клуб исә моңа кадәр төзекләндерелгән булган. Әмма ул вакытта мәдәният учагы каршындагы территорияне яңартырга акча җитмәгән.

Тениш бистәсе елдан-ел яхшыра. Биредә 1,5 урамга гына асфальт саласы калган. Аларына да вак таш түшәлгән. Җәяүлеләр өчен тротуар бар. Авылны төзекләндерү өчен үзара салым, грант, иганәчеләр акчалары тотыла.

#үзара салым #референдум

Сәхифәләр

Кама Тамагының Тениш бистәсе халкы канализацияле, сулы булачак