Җәмгыять 22 июнь 2024 23:47

Кама Тамагыннан махсус хәрби операциягә чәкчәк җибәрәләр

Скопировать ссылку

Кама Тамагында туып үскән хәрбинең хатыны Алинә Захарова гуманитар йөк төялгән машиналарны 12 тапкыр озата барган. Мәктәп каршында оештырылган волонтерлык үзәге патриотларны бердәм теләк – Ватан чикләрен саклаучыларга ярдәм итү теләге белән берләштергән. Бу хакта «Идел таңнары» сайтында хәбәр ителә.

«Башта без хәрбиләр өчен төзелеш кораллары, җиһазлар, генераторлар, автомобильләр сатып алу өчен акча җыйдык. Беренче машинаны җиһазландыру өчен 2,5 миллион җыйган идек, әмма ул хәрби частькә барып җитмәгән. Шуннан соң солдатлар өчен йөкне үзебез озата барырга булдык.

«Алинәнең ире – якташыбыз Александр Фомуляев хәзерге вакытта «Тимер» батальоны составында фронтның авыр участокларының берсендә – Авдеевкадан ерак түгел хезмәт итә», диелгән хәбәрдә.

«Хәзер фронтта иң мөһиме – заманча җайланмалар. Без дроннар сатып алу өчен акча җыябыз. Дроннар дошман тарафыннан бәреп төшерелә, кайсылары ватыла, нәтиҗәдә алар җитми. Ватандашларыма шуны әйтәсем килә: аларга анда авыр һәм сезнең һәр посылкагыз, теләсә нинди ярдәмегез аларга көч бирә. Маскировкалау челтәрләре үрегез, ул фронттагыларга зур ярдәм, алар маскировкалар белән коралларын каплыйлар, үзләре дә яшеренәләр, шул рәвешле бомбадан сакланалар. Төрле хәйрия фондлары безгә бик ярдәм итә. Гуманитар йөк илткәндә, чәкчәк пешермичә калмыйбыз. Аны татарстанлылар гына түгел, баллы һәм тәмле булганы, кулларыбыз һәм күңел җылысы белән әзерләнгәне өчен барысы да ярата», – дип сөйләде Алинә Захарова.

#Кама Тамагы

Сәхифәләр

Кама Тамагыннан махсус хәрби операциягә чәкчәк җибәрәләр