Җәмгыять 17 май 2008 14:59

Кама Тамагында “РФ гражданлыгы турындагы” ФЗ һәм миграция законы үтәлеше тикшерелгән

Гамәлдә булмаган шәхес таныклыгы, яки аларны югалту аркасында, бөтенләй таныклыксыз һәм вакытлыча яшәү урыны буенча билгеләнгән срокларны бозып яшәүчеләр җаваплылыкка тартылган

Скопировать ссылку

(Казан, 17 май, “Татар-информ”, Гөлнар Гаттарова). Кама Тамагы районы прокуратурасы тарафыннан район эчке эшләр бүлеге хезмәткәрләре белән берлектә, “Россия Федерациясе гражданлыгы турындагы” Федераль закон һәм миграция законы үтәлеше тикшерелгән.
Тикшерү барышында ачыкланганча, Тенеш, Кама Тамагы шәһәр тибындагы бистәләрдә, Красновидово, Варварино, Мордва Каратае авылларында яшәүче 18 гражданинның, гамәлдә булмаган шәхес таныклыгы, яки аларны югалту аркасында, бөтенләй таныклыксыз һәм вакытлыча яшәү урыны буенча билгеләнгән срокларны бозып яшәүләре ачыкланган.
Тикшерү нәтиҗәләре буенча, район прокуроры тарафыннан административ хокук бозулар турында 18 эш кузгатылган. Хәзерге вакытта материаллар каралган һәм гаеплеләр административ җаваплылыкка тартылган, дип хәбәр итә Татарстан прокуратурасының матбугат хезмәте.

Сәхифәләр

Кама Тамагында “РФ гражданлыгы турындагы” ФЗ һәм миграция законы үтәлеше тикшерелгән