Җәмгыять 27 декабрь 2016 03:00

Кама Тамагы районы Чаллы авылы укучылары ятим балаларга оекбашлар бәйләп җибәргән

“Оста куллар” түгәрәгенә йөрүчеләр Республика сабыйлар йорты балаларына җылылык бүләк иткән.

Скопировать ссылку

(Кама Тамагы, 27 декабрь, “Татар-информ”, “Волжские зори”, Светлана Заһидуллина). Татарстанның Кама Тамагы районы Чаллы авылы укучылары “Оста куллар” түгәрәге җитәкчесе Миләүшә Мозафарова белән бергә ятим һәм караучысыз калган балаларга 24 пар оекбаш бәйләгән. Күңел җылысы кушып бәйләгән оекбашларны алар Республика сабыйлар йортына җибәргәннәр. Районның “Волжские зори” газетасы шул хакта хәбәр итә.

Сүз уңаенда билгеләп үтик: Чаллы авылында башлангыч мәктәп кенә бар, ә игелек акциясендә укуын күрше Олы Кариле мәктәбендә дәвам иттерүче укучылар да бик теләп катнашкан.

#Кама Тамагы #Идел таңнары

Сәхифәләр

Кама Тамагы районы Чаллы авылы укучылары ятим балаларга оекбашлар бәйләп җибәргән