Кама елгасында кар чанасында боз астына төшеп киткән өч балыкчыны коткарганнар
Зыян күргән ир-атларны ярга чыгарганнар һәм полициягә тапшырганнар.
Скопировать ссылку
(Казан, 9 март, «Татар-информ», Полина Шевчук). Кама елгасында кар чанасында боз астына төшеп киткән өч балыкчыны коткарганнар. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Бүген 6.48 сәгатьтә ашыгыч хезмәтнең 112 бердәм номерына Алексеевск районында Сакона бистәсе янында Камада өч балыкчы утырган кар чанасы боз астына төшеп китүе, ир-атларның берсе су астында булуы турында хәбәр килгән.
Һәлакәт урынына 3нче зональ янгын-сүндерү коткару отряды хезмәткәрләре килгән. Алар 24, 31 һәм 32 яшьлек ир-атларны ярга чыгарганнар һәм полициягә тапшырганнар.
