Кама Аланында Кыш бабайлар парады булды
Кама Аланы «Оазис» экопаркында бистәнең төп чыршысы үз утларын кабызды.
Скопировать ссылку
(Казан, 27 декабрь, «Татар-информ»). Түбән Камада бәйрәм программасы Кыш бабайлар һәм Кар кызлары парады белән ачылды. Артистлар кунакларга бәйрәм тамашасы һәм яхшы кәеф бүләк итте. Бу турыда Түбән Кама муниципаль районы рәсми сайтында хәбәр ителә.
Шулай ук чыршыны ачу тантанасында «Иң матур бизәлеш» конкурсына йомгак ясалды, җиңүчеләргә дипломнар, бүләкләр тапшырылды.
Бәйрәм дәвамында әкият геройлары өлкәннәр һәм балаларны якынлашып килүче Яңа ел белән котлады, конкурс оештырды, татлы бүләкләр таратты.