Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Калька телнең эчке төзелешенә тәэсир итә торган күренеш — галимә
Алынмалар ул дәрәҗәдә тәэсир итми, ә калька итә, дигән фикердә Гөлшат Галиуллина.
(Казан, 4 апрель, “Татар-информ”, Лилия Локманова). Калька тәрҗемәләр телнең төзелешенә нык тәэсир ясый. Казан (Идел буе) федераль университетының татар теле белеме кафедрасы мөдире, доцент, филология фәннәре докторы Гөлшат Галиуллина шулай дип саный. Бу хакта фикерен ул бүген “Татар-информ” мәгълүмат агентлыгы уздырган лабораториум вакытында белдерде.
Аның сүзләренчә, хәзерге заманда журналистлар, галимнәр күпчелек рус һәм инглиз телләреннән тәрҗемә итү белән шөгыльләнә һәм материалны тәрҗемә итү, нигездә, калькага кайтып кала.
“Калька исә телнең эчке төзелешенә тәэсир итә торган күренеш. Алынмалар ул дәрәҗәдә тәэсир итми, ә калька тәэсир итә. Ягъни телнең табигый агышын үзгәртә”, – ди галимә.
Кайбер материалларны өч тапкыр укымыйча аңлап та булмый, чөнки ул телнең үз форматында түгел, дигән фикердә Гөлшат Галиуллина.
Кызыклы яңалыкларны күзәтеп бару өчен Телеграм-каналга язылыгыз