Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Калининградта Гадел Кутуйга багышланган чара булды
15 мартта Калининградның «Кардәшләр» төбәк иҗтимагый оешмасы «Мәдәниятләр диалогы» проекты кысаларында космонавт А.А.Леонов исемендәге китапханәдә татар язучысы, шагыйрь, драматург, журналист, хәрби хәбәрче, Бөек Ватан сугышында катнашучы Гадел Кутуйга багышланган танып белү программасы үткәрде. Бу хакта Бөтендөнья татар конгрессының матбугат хезмәте хәбәр итә.
Рөстәм Ялалов кичәдә катнашучыларны язучының биографиясе белән таныштырды, Кутуйның иҗади мирасын Наилә Залетдинова тәкъдим итте, Сәлимә Абдулла кызы мәктәп елларында татар язучыларының әсәрләрен ничек өйрәнүләре турында сөйләде. Әмир Хәйруллин Гадел Кутуй истәлегенә багышланган видео күрсәтте. Мәүлия Шаһидулла кызы, Румия Хәсәнова, Рәйсә Викторова һ.б. башкаруында фронтовик шагыйрьнең татар, башкорт һәм рус телләрендә шигырьләре яңгырады.
Очрашу ахырында чарада катнашучылар Гадел Кутуйның «Тапшырылмаган хатлар» әсәреннән видеоөзек карады.
Кызыклы яңалыкларны күзәтеп бару өчен Телеграм-каналга язылыгыз