Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбычта Татарстан Республикасы көнен бәйрәм иттеләр
Республика көнен дә бердәм булып бәйрәм иттеләр, бергәләп күңел ачтылар. Олысы да, кечесе дә Олы Кайбычтагы «Имәнлек» паркына җыелды. Аларның барысын да район башлыгы Альберт Рәхмәтуллин сәламләде, бәйрәм белән тәбрикләп, изге теләкләрен җиткерде. Бу хакта «Кайбыч таңнары» сайтында Ләйсән Саттарова хәбәр итә.
Тантанада хезмәт алдынгыларына бүләкләр тапшырдылар. Махсус хәрби операциядән ялга кайткан Иске Чәчкаб хәрбие Самат Хәйретдиновны һәм аның тормыш иптәше Рузиләне мәйдан түрендә бүләкләделәр.
Болгар шәһәрендә «Аулак өй — көрәш» проектының финал ярышлары узган иде. Анда ел буе узган ярышларда катнашып жиңү яулаган өч команда көрәште.
«Кошман энҗеләре» командасы әлеге проектның финалында жиңү яулады һәм Уральск шәһәренә сәяхәткә бару хокукын да алды. «Җырлый торган авыл» фестивале җиңүчеләрен сәхнәдә хөрмәтләделәр.
Абхазиянең Сухуми шәһәрендә узган «Алтын мәйдан — Абхазия» Халыкара фольклор инклюзив фестивалендә катнашып, төрле номинациләрдә призлы урыннар яулаган «Земляки» төркеме солистларына да бүләк тапшырдылар.
Россиядә баручы Гаилә елына багышлап үткәрелгән «Иҗади гаилә» район фестиваль-конкурсында иң яхшысы дип танылган ике гаилә дә лаеклы бүләкләрен алды. Алар — Хуҗа Хәсән авылыннан Казаковлар һәм Муллиннар.
Районның төрле авылларында яшәүче биш гаилә командалары арасында эстафета ярышлары үткәрелде. Аны «Алдынгылар хәрәкәте» оештырды.
Кызыклы яңалыкларны күзәтеп бару өчен Телеграм-каналга язылыгыз