Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбыч районының элеккеге башлыгы Җәүдәт Гафаров вафат
Кичә, 4 июльдә, Татарстанның Кайбыч районының элеккеге башлыгы Җәүдәт Гафаров 72 яшендә вафат булды. Республика җитәкчелеге элеккеге түрәнең вафаты сәбәпле кайгы уртаклаша.
![](https://www.tatar-inform.ru/resize/shd/images/uploads/news/2024/7/5/525759d44d58383ab3103be0a5b8e020.jpg)
Фото: © vk.com/kaibicy
Җәүдәт Гафаров 1998 елдан 2012 елга кадәр Кайбыч районын җитәкли: хакимият башлыгы, Халык депутатлары район советы рәисе, муниципаль район башлыгы була. «Ул катлаулы елларда муниципалитетның икътисади һәм социаль базасын саклап кына калмады, ә аны күп яктан үстерә дә алды», — дип билгеләп үтелә некрологта.
Күпьеллык нәтиҗәле хезмәте һәм казанышлары өчен Гафаров бүләкләргә ия булды. Алар арасында «Казанның 1000 еллыгы истәлегенә», «Фидакарь хезмәт өчен», «Татарстан Республикасында җирле үзидарәне үстерүдә казанышлар өчен» һәм «Татар Автономияле Совет Социалистик Республикасы оешуга 100 ел» медальләре, «Татарстан Республикасының атказанган авыл хуҗалыгы хезмәткәре» мактаулы исеме, Татарстан Республикасы Президенты исеменнән Рәхмәт хаты бар.
«Җ.Р. Гафаровка масштаблы бурычлар хәл итәргә туры килгән барлык участокларда аны югары бурыч хисе һәм эшкә тугрылык, куелган максатка ирешүдә тырышлык аерып торды. Профессиональлеге, үз идеаллары һәм ышануларына тугрылыгы, үзенә буйсынучыларга һәм үз-үзенә карата таләпчәнлеге аңа хезмәттәшләре һәм җәмәгатьчелек арасында лаеклы абруй һәм танылу китерде. Гафаров Җәүдәт Рәшит улының якты истәлеге безнең йөрәкләрдә мәңге сакланачак», — дип ассызыклана республика җитәкчелеге белдерүендә.
Некрологны Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Рәисе Администрациясе җитәкчесе Әсгать Сәфәров, вице-премьер– Татарстан Республикасы авыл хуҗалыгы һәм азык-төлек министры Марат Җәббаров, «Татарстан Республикасы Муниципаль берәмлекләре советы» ассоциациясе рәисе Әгъзам Гобәйдуллин, Кайбыч һәм Апас районнары башлыклары Альберт Рәхмәтуллин һәм Айрат Җиһаншин имзалаган.
Кызыклы яңалыкларны күзәтеп бару өчен Телеграм-каналга язылыгыз