Кайбыч районында көчле җил мәктәп түбәсен куптарып ташлаган
Скопировать ссылку
Татарстанның Кайбыч районында көчле җил Е.Г.Тутаев исемендәге Федоровск гомуми белем бирү мәктәбенең ике кыеклы түбәсен куптарып ташлаган. Бу хакта «Татар-информ»га Россия Гадәттән тыш хәлләр министрлыгының Баш идарәсе матбугат хезмәтендә хәбәр иттеләр.
Билгеләп үтелгәнчә, бинада мәктәп һәм балалар бакчасы урнашкан. Бу вакытта балалар бакчасында 15 бала булган, ә мәктәптә укучылар булмаган. Бәхеткә, зыян күрүчеләр юк.