Кайбыч районы Хуҗа Хәсән авылында Май чабу бәйрәме булды
Скопировать ссылку
Кайбыч районы Хуҗа Хәсән авыл җирлегендә дә борынгы гореф-гадәтләрне саклауга җитди карыйлар. Бу Май чабу бәйрәмендә дә ачык чагылды. Милли киемнәрдәге мәдәният хезмәткәрләре, үзешчәннәр Май чабу җырларын башкарды, әйлән-бәйлән әйләнде.
Чараны алып баручылар бәйрәмнең тарихы, аның нинди мәгьнәгә ия булуы турында сөйләде. Шатлыкларын уртаклашырга район башлыгы Альберт Рәхмәтуллин да килгән иде. Бу хакта «Кайбыч таңнары» хәбәр итә.
«Май чабу бәйрәме - барыбызның да яраткан бәйрәме. Халык бәйрәмнәре безне тагын да якынайта, берләштерә, дуслыкны ныгыта», - диде ул.
Бәйрәм программасы бай иде. Олысы-кечесе бергәләп күңел ачты, төрле ярышларда катнашты, бүләкләр отты.