news_header_top
16+
news_header_bot
news_top

Татарстанда җирләрнең кадастр бәясен 29 триллион сумга җиткерергә ниятлиләр

Татарстанда җирләрнең кадастр бәясен 29 триллион сумга җиткерергә ниятлиләр
Фото: © «Татар-информ», Солтан Исхаков

Күчемсез милек объектларының гомуми кадастр бәясен 29 триллион сумга җиткерү һәм республикада ачыкланган җир кишәрлекләре мәйданын 20 мең гектарга кадәр арттыру – Татарстан 2030 елга кадәр әнә шул максатларга ирешергә тиеш. Дәүләт теркәве, кадастр һәм картография Федераль хезмәтенең (Росреестр) ТР буенча идарәсе җитәкчесе урынбасары Лилия Борһанова «Татар-информ»да узган матбугат конференциясендә шулай дип белдерде.

«Бүгенге көндә әлеге күчемсез милекнең гомуми кадастр бәясе 25,8 триллион сум тәшкил итә», – дип билгеләп үтте ул.

Борһанова сүзләренчә, әлеге бурычларны тормышка ашыру өчен ТР Хөкүмәте һәм республиканың Росреестр идарәсе тарафыннан 2026 елның маенда «КазанФорум» Халыкара икътисади форумы кысаларында юл картасы эшләнгән һәм имзаланган.

Әлеге юл картасы кысаларында тулы һәм төгәл реестр формалаштыру, әйләнешкә кертү өчен яраклы җирләрне ачыклау, пространство мәгълүматларының илкүләм системасы колачын киңәйтү һәм әлеге система базасында дәүләт бәяләвен үткәрү бурычы тора.

news_right_1
news_right_2
news_bot