Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кече шәһәрләр һәм авылларга күченгән мәдәният хезмәткәрләренә түләү тәртибе яңартылды
Татарстан Республикасы Министрлар Кабинеты авыл торак пунктлары, эшчеләр бистәсе, шәһәр тибындагы бистәләр яисә халкы 50 меңгә кадәр тәшкил иткән шәһәрләргә эшкә күчеп килгән мәдәният хезмәткәрләренә бер мәртәбә бирелә торган компенсация түләүләре тәкъдим итү тәртибенә үзгәрешләр кертте.
Карар Татарстан Республикасының рәсми хокукый мәгълүмат порталында урнаштырылган.
Яңартылган тәртип буенча, түләүләр Мәдәният министрлыгы, хезмәткәр эшли торган оешма һәм хезмәткәрнең үзе арасындагы өч яклы килешү нигезендә бирелә. Министрлык карар кабул ителгәннән соң ун эш көне эчендә килешүнең өч нөсхәсен оешмага җибәрә, анда аларны хезмәткәр һәм җитәкче имзалый. Бер нөсхә хезмәткәрдә кала, икенчесе министрлыкка кайтарыла.
1 миллион сум күләмендә бер тапкыр бирелә торган компенсация хезмәткәрнең счетына агымдагы елның 1 декабреннән дә соңга калмыйча күчереләчәк.
Компенсация мәдәният оешмасы белән хезмәт килешүе төзегән һәм министрлык тарафыннан расланган вакантлы вазифалар исемлегенә кертелгән югары яки урта һөнәри белемгә ия РФ гражданнарына бирелә.
Кызыклы яңалыкларны күзәтеп бару өчен Телеграм-каналга язылыгыз