Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кабан күле яр буенда казанлыларны бушлай чечетка биергә өйрәтәчәкләр
23 июнь көнне Кабан күле яр буенда Казан халкын чечетка биергә өйрәтәчәкләр. «Хәрәкәттә – бәрәкәт» проекты кысаларында ритмик бию нигезләре буенча татар телендә дәрес узачак.
Чечетканы икенче төрле «аяк музыкасы» дип атыйлар. Бу бию үзенең энергияле динамикасы белән аерылып тора, аның төп үзенчәлеге – каты өслектә аякларны ритмик хәрәкәтләндерү. Гадәттә, бу биюне металл пластиналар белән тегелгән махсус аяк киеме киеп башкаралар.
Бию мастер-классына теләге булган һәркем килә ала – яшь һәм физик әзерлек дәрәҗәсе буенча чикләүләр юк. Чечеткага Г.Камал исемендәге Татар дәүләт академия театры артистлары – Татарстанның халык артисты Илдус Габдрахманов, актерлар Артур Шәйдуллин һәм Ләйсән Гатауллина өйрәтәчәк.
Дәрес 19:00 сәгатьтә башлана. Очрашу урыны – Кабан күле яр буе, Мәрҗани урамы ягыннан (Камал театры парковкасы астында), дип хәбәр иттеләр Казан Башкарма комитетының Телләр культурасы өлкәсендә милли сәясәтне гамәлгә ашыру бүлегендә.
Исегезгә төшерәбез, «Хәрәкәттә – бәрәкәт» проекты шәһәр паркларында һәм скверларында үткәрелә торган спорт һәм иҗат дәресләрен берләштерә. Бушлай мастер-класслар июнь аеннан сентябрьгә кадәр Казанның парклар һәм скверлар дирекциясе белән берлектә оештырыла. Беренче бию мастер-классы 2 нче июньдә узды. Дәрескә 500 кеше килгән иде, алар «Ярмәк вагы» татар биюен өйрәнделәр.
Кызыклы яңалыкларны күзәтеп бару өчен Телеграм-каналга язылыгыз