Җәмгыять 22 гыйнвар 2018 20:45

Кабан күлен җыештыручы аккош Голливуд йолдызы Инстаграмына эләккән

Унбер “Эмми” премиясе иясе Эллен Ли Дедженерес Инстаграмында Казанда чүп җыючы аккошның табигатькә кешеләрдән ихтирамлырак булуын язган.

Скопировать ссылку

(Казан, 22 гыйнвар, “Татар-информ”). Узган ел Кабан күлендә чисталык һәм тәртип салуда шәхси үрнәк күрсәткән аккош Голливуд йолдызы Эллен Ли Дедженерес аккаунтына эләккән.

Кабан күлен чүп-чардан арындырган аккош төшерелгән видеоязма узган ел социаль челтәрләрдә бик тиз таралган иде. Әлеге кадрларны илнең һәм дөньяның барлык эре телеканаллары трансляцияләде. Тулаем алганда, югыйсә, роликтагы күренеш әлләни матур да түгел: кар эрегәннән соң калган пычрак, чүп-чар һәм болганчык су. Аккош исә томшыгы белән полиэтилен калдыклары һәм башка чүпләрне читкә чыгара.

Унбер “Эмми” премиясе иясе Эллен Ли Дедженерес Instagramында чүп җыючы аккошның кешеләргә караганда табигатькә күбрәк ихтирамлы булуын җиткергән. Ул, күрәмсең, биредә кешелекне истә тоткандыр.

Видеоязманы 3,3 млннан артык кулланучы караган. Аккошның кешеләргә караганда бу яклап та гүзәл булуында күпләр аның белән килешкән.

#Repost @animal on earth ・・・ Check out this swan picking up litter... it's obvious that other species on this beautiful planet have more respect for nature! Via:@viralhog #animalonearth
Публикация от Ellen (@theellenshow) Янв 21, 2018 at 10:05 PST

#Кабан күле

Сәхифәләр

Кабан күлен җыештыручы аккош Голливуд йолдызы Инстаграмына эләккән