Җәмгыять 25 сентябрь 2016 17:55

Каһирә аэропортында куркынычсызлык вазгыяте әйбәт - Аркадий Дворкович

Авиаочышларны янә гамәлгә ашыру өчен куркынычсызлык тәэмин итү илләр арасындагы авиаэлемтәне тормышка ашыру таләпләренең берсе.

Скопировать ссылку

(Казан, 25 сентябрь, «Татар-информ»). Каһирә аэропортында яңа терминалда куркынычсызлык вазгыяте әйбәт, Россия Транспорт министрлыгы иртәгә тикшерү нәтиҗәләре хакында белдерәчәк дигән Россия вице-премьеры Аркадий Дворкович. "Россия транспорт министры Максим Соколов сәфәр нәтиҗәләре турында хәбәр итмәде әле. Якынча мәгълүматлар буенча Каһирәдә барысы да тәртиптә. Әле ул кайтмыйча, берни дә әйтә алмыйм. Иртәгә иртән очрашабыз. Каһирә буенча вазгыять яхшы булырга тиеш" - дип белдергән Дворкович. Бу хакта "ТАСС" хәбәр итә.

Искәртеп үтик: хәзер Мисыр министрлыгы һәм гражданнар авиациясе белән Россия Транспорт министрлыгы арасында килешү буенча аэропортлар тикшерелә. Экспертлар фикеренчә, Россия җитәкчелеге өчен махсус доклад әзерләнә.

Мисыр белән Россия арасында авиаочышлар 2015 елның ноябрендә, Шарм-эш-Шейхтан Санкт-Петербургка очкан Россия лайнеры бортындагы теракттан соң өзелде. Авиаочышларны янә гамәлгә ашыру өчен куркынычсызлык тәэмин итү илләр арасындагы авиаэлемтәне тормышка ашыру таләпләренең берсе.

#Аркадий Дворкович #Мисыр

Сәхифәләр

Каһирә аэропортында куркынычсызлык вазгыяте әйбәт - Аркадий Дворкович