Фән һәм мәгариф 31 октябрь 2018 08:49

Көзге һәм кышкы каникулларны киметү турындагы мәгълүмат кире кагылды

Татарстан Мәгариф һәм фән министрлыгы каникуллар дәвамлылыгының барлык нормативлары катгый үтәлүен әйтте.

Скопировать ссылку

(Казан, 31 октябрь, «Татар-информ»). Татарстан Мәгариф һәм фән министрлыгы социаль челтәрләрдә барлыкка килгән көзге һәм кышкы каникулларны киметү турындагы мәгълүматны кире какты. Бу хакта ТР Мәгариф һәм фән министрлыгы матбугат хезмәте хәбәр итә.

"Каникуллар дәвамлылыгының барлык нормативлары катгый үтәлә. Каникуллар вакыты мәктәп тарафыннан билгеләнә. Бу укыту процессына бәйле, - дип ачыклык керттеләр министрлыкта. - Шул ук вакытта уку елы дәвамында каникулларның гомуми озынлыгы 30 көннән дә ким түгел".

Мәктәп укучылары өчен көзге каникуллар 31 октябрьдән 6 ноябрьгә, кышкысы – 26 декабрьдән 2019 елның 8 гыйнварына, язгы каникул 2019 елның 23 - 31 март көннәрендә булырга тиеш. Беренче сыйныфлар өчен өстәмә каникул 11 февральдән 17 февральгә кадәр була.

#Мәгариф министрлыгы #каникуллар

Сәхифәләр

Көзге һәм кышкы каникулларны киметү турындагы мәгълүмат кире кагылды