Рәсми Татарстан 11 июнь 2019 13:14

Көзгә кадәр Лейпцигта Татарстан Вәкиллеге ачылачак

Әлегә Россия Тышкы эшләр министрлыгы һәм Сәнәгать министрлыгы белән сөйләшүләр алып барыла.

Скопировать ссылку

(Казан, 11 июнь, "Татар-информ", Зилə Мөбəрəкшина). Германиянең Лейпциг шәһәрендә көзгә кадәр Татарстан Республикасы Вәкиллеге ачылачак. Бу хакта Татарстан Республикасы сәнәгать һәм сәүдә министры Альберт Кəримов Хөкүмəт йотында узган брифингта сөйлəде.

“Әлеге килешүгә Петербург халыкара икътисади форумы кысаларында ирешелде. Анда Татарстан Президенты Рөстәм Миңнеханов Саксония федераль җирлеге Премьер-министры Михаэль Кречмер белән сөйләште”, - диде ул.

"Фикер алышу вакытында якын арада Лейпцигта Татарстан Республикасы Вәкиллеген ачу турында да сөйләштеләр", - диде Альберт Кәримов.

Альберт Кәримов сүзләренчә, Вәкиллекнең рәсми ачылышы бер-ике айдан соң булачак. “Татарстан Вәкиллеген Германиядә ачу эше Россия Тышкы эшләр министрлыгы һәм Россия Сәнәгать һәм сәүдә министрлыгы белән килештерелә”, - диде ул.

#Лейпциг #Татарстан Вәкиллеге #Альберт Кәримов

Сәхифәләр

Көзгә кадәр Лейпцигта Татарстан Вәкиллеге ачылачак