Кәрим Тинчурин театры тарихта беренче тапкыр ачык һавада спектакльләр күрсәтә башлый
Тамашачылар битлек һәм перчатка белән тәэмин ителәчәк.
Скопировать ссылку
(Казан, 19 июль, «Татар-информ»). Кәрим Тинчурин исемендәге Татар дәүләт драма һәм комедия театры 5 августтан ишегалдында урнаштырылган махсус сәхнәдә спектакльләр күрсәтә башлаячак. Ачык һавада спектакльләр театр тарихында беренче тапкыр була. Бу хакта театрның матбугат хезмәте хәбәр итә.
Оештыручылар барлык саклык чараларын да күрәчәк. Тамашачылар битлек һәм перчатка белән тәэмин ителәчәк.
Спектакльләр кичке җидедә башлана.
«Татар-информ» агентлыгы 11 сентябрьдә Качалов театрының ачылуы хакында хәбәр иткән иде инде. Тамашачыларны спектакль премьерасы һәм күргәзмә көтә.
