news_header_top_970_100
news_header_bot_970_100

Күренекле нефтьчене искә алу

Күренекле нефтьчене искә алу

(Казан, 20 декабрь, «Татар-информ», Дания Моисеева). Казан шәһәре Аксакаллар шурасының соңгы утырышы танылган галим, геология-минерология фәннәре кандидаты, Татарстанда нефть ятмаларын табу һәм аларны үзләштерүчеләрнең берсе Билал Мәгъдасим улы Йосыповның тууына 100 ел тулуга багышланды.

Билал Йосыпов 1904 елның 25 декабрендә туган, 1999 елның 26 февралендә вафат булган. Ул авылдан Казанга килеп, университет тәмамлый. Гарәп һәм латин имлясын да яхшы белә. Күп кенә әдипләр белән тыгыз мөгамәләдә була. Геология фәннәре белгече дәрәҗәсенә күтәрелгән Б.Йосыпов дәһшәтле 1942-1944нче елларда «Татгеолтрест» оешмасын җитәкли.

Ул җитәкчелек иткән елларда Татарстанның беренче нефть ятмасы Шөгер янында табыла һәм шунда ук Клявино тимер юл станциясенә таба нефть үткәргече салына. Аның тәкъдиме буенча Шөгердән шактый читтәрәк бораулый башлаган 3нче номерлы скважина 1948нче елны Көньяк Ромашкино мәйданында гигант нефть ятмаларын ача, анда хәзер һәйкәл тора. Бу илебез өчен искиткеч ачыш була.

Күренекле галим, геология-минерология фәннәре докторы, профессор Б. Йосыпов заманында Һиндстанда ЮНЕСКО киңәшчесе дә булып эшли. Ул үз гомерендә күп кенә галимнәр үстергән, аның шәкертләре бүген дә остазларының эшен дәвам итә.

news_right_column_1_240_400
news_right_column_2_240_400
news_bot_970_100