Җәмгыять 22 март 2005 12:33

^Көрәшче Мадьяровларга багышланган китап чыкты

Скопировать ссылку

(Казан, 22 март, «Татар-информ», Дания Моисеева). «Идел-пресс» нәшриятында Илдус Илдархановның «Алты егет булганнар» дигән китабы дөнья күрде. Автор — журналист һәм көрәш бәйгеләре комментаторы алты бертуган Мадьяровлар турында кыйсса язган.

Мадьяровлар — самбо буенча халыкара класслы спорт осталары, Татарстанда күпсанлы яшь көрәшчеләр тәрбияләгән гаилә. Китапта аларның язмышлары һәм спорттагы казанышлары фоторәсемнәрдә дә бай чагыла. Басма бүләк өчен матур бизәлештә бастырылган. Автор үзенең китабын халыкара класслы спорт мастеры, дөнья чемпионы Нәкыйп Мадьяров истәлегенә үткәреләсе Самбо буенча бөтенроссия турнирына багышлап чыгарган. Әлеге турнир 2-3 апрельдә Казандагы «Батыр» спорт комплексында узачак.

Сәхифәләр

^Көрәшче Мадьяровларга багышланган китап чыкты