Көрәш буенча Федерация Кубогы җиңүчеләре билгеле
Районнар арасында беренчелекне Әлмәт, икене - Кукмара, өченче урынны Теләче командалары яулады.
(Казан, 18 декабрь, «Татар-информ», Энҗе Габдуллина). Көрәш буенча Федерация Кубогы җиңүчеләре билгеле.
17-18 декабрь көннәрендә Казанның «Ак барс» көрәш сараенда көрәш буенча Федерация Кубогына турнир узды. Ярышта бил үлчәү авырлыгында 170ләп көрәшче бил алышты.
Районнар арасында беренчелекне Әлмәт командасы яулады. Икедә — Кукмара, өчтә Теләче командалары.
Беренче урын ияләре — 50 мең, ике — 40, өченче урын алучы икешәр көрәшче дә 30 мең акчалата приз һәм истәлекле бүләргә лаек булды.
Җиңүчеләр исемлеген тәкъдим итәбез:
65 кг үлчәү авырлыгы:
1 урын — Раббани Нургалиев (Актаныш)
2 урын — Искәндәр Мортазин (Әлмәт)
3 урын — Илдар Хәләфетдинов (Чирмешән), Динар Фәттахов (Кукмара)
75 кг үлчәү авырлыгы:
1 урын — Динар Кәримуллин (Лаеш)
2 урын — Илназ Рамазанов (Тукай)
3 урын — Ислам Фәләхов (Алабуга), Булат Юнысов (Биектау)
85 кг үлчәү авырлыгы:
1 урын - Ренас Кәлимуллин (Теләче)
2 урын - Айрат Сәмигуллин (Әлмәт)
3 урын - Нәфис Галиев (Кукмара), Раил Сәлахетдинов (Кукмара)
105 кг үлчәү авырлыгы:
1 урын - Раил Нургалиев (Теләче)
2 урын - Айнур Сыртаев (Чистай)
3 урын - Рәдис Сәмигуллин (Балтач), Айдар Алтынбаев (Әлмәт)
130 кг үлчәү авырлыгы:
1 урын - Радик Сәлахов (Әлмәт)
2 урын - Валерий Рафыйков (Актаныш)
3 урын - Руслан Газизуллин (Лаеш), Лениз Абдуллин (Казанның Идел буе районы)