Татар дөньясы 2 гыйнвар 2017 13:14

Көньяк Сахалинда Тукай скверы һәм шагыйрьнең бюсты ачылачак

Хәзерге вакытта шагыйрь бюстының эскизы буенча фикер алышу бара.

Скопировать ссылку

(Казан, 2 гыйнвар, "Татар-информ"). 2017 елда Россиянең Сахалин өлкәсендәге Көньяк Сахалин шәһәрендә татар шагыйре Габдулла Тукайга багышланган сквер ачылачак. Хәзерге вакытта анда куелачак шагыйрь бюстының эскизы буенча фикер алышу бара. Бюстны танылган сынчы Владимир Чеботарев ясаячак, дип хәбәр итә Сахалин өлкәсенең төбәк Татар милли-мәдәни мохтарияте sakhtatary.ru рәсми сайтында.

“Бөек татар шагыйренә сквер һәм бюст ачу Сахалин утравында һәм татар халкы тормышында зур вакыйга булачак. Без бу вакыйгага Татарстаннан Язучылар берлеге әгъзаларын, мәдәният һәм сәнгать әһелләрен чакырырга ниятлибез. Тукай һәйкәлләре Казан, Мәскәүдә генә түгел, чит илләрдә дә ачыла тора. Моннан соң Тукай истәлеген Көньяк Сахалинга нигез салынганнан бирле татарлар яшәгән бу төбәктә да мәңгеләштереләчәк”, - дип белдерә Сахалин татарлары.

#Сахалин #Тукай

Сәхифәләр

Көньяк Сахалинда Тукай скверы һәм шагыйрьнең бюсты ачылачак