Татар дөньясы 2 май 2019 12:04

Көньяк Сахалин татарлары Бөек Ватан сугышы ветераннарын һәм тыл хезмәтчәннәрен хөрмәтләгән

Сахалиндагы милләттәшләр "Хәтер вакыттан көчлерәк" акциясен башлап җибәрде.

Скопировать ссылку

(Казан, 2 май, "Татар-информ"). Көньяк Сахалин татарлары Бөек Ватан сугышы ветераннары һәм тыл хезмәтчәннәре хөрмәтенә "Хәтер вакыттан көчлерәк" акциясе уздырган. Бу хакта Сахалин өлкәсе татар-мәдәни автономиясе хәбәр итә.

Проект танылган җырчы Ренат Ибраһимовның продюсерлык үзәге һәм Мәскәү Татар милли-мәдәни автономиясе тарафыннан гамәлгә ашырыла.

Сахалинда исә акцияне оештыруда татар милли-мәдәни автонмиясеннән тыш, "Туган тел" татар мәдәни үзәге активистлары, Сахалин өлкәсе азәрбәйҗаннар диаспорасы, Көньяк-Сахалин мәчете, 5 нче номерлы мәктәп укучылары уздырган.

Ветераннар өчен милли ризыклардан өстәл әзерләнгән, бүләкләр тапшырылган. Ветераннар исә хәтирәләре белән бүлешкән, шигырьләр сөйләгән, җырлар җырлаган.

"Хәтер ваыттан көчлерәк" акциясе Казанда, Мәскәүдә һәм Санкт-Петербург шәһәрләрендә дә уздырыла.

#сахалин #ветераннар

Сәхифәләр

Көньяк Сахалин татарлары Бөек Ватан сугышы ветераннарын һәм тыл хезмәтчәннәрен хөрмәтләгән