"Күңел" радиосы FM ешлыгына күчә
Татарстанда барлыгы 111 радиостанция һәм радиотапшырулар теркәлгән.
Скопировать ссылку
(Казан, 1 февраль, “Татар-информ”, Лилия Локманова). “Күңел” радиосы FM ешлыгына күчә. Хәзерге вакытта 12 тапшыргыч булдырылган, алар республиканың 60 процентын били. Якын киләчәктә тагын 9 тапшыргыч төзү күздә тотыла.
Бу хакта бүген “Татмедиа” Республика матбугат һәм массакүләм коммуникацияләр агентлыгы җитәкчесе Айрат Зарипов хәбәр итте.
Аның сүзләренчә, Татарстанда барлыгы 111 радиостанция һәм радиотапшырулар теркәлгән. Шуларның сигезе татар телендә сөйли.