Хәвеф-хәтәр 2 гыйнвар 2020 19:34

Көчле бозлавык вакытында куркынычсызлык чараларын саклау мөһим

Синоптиклар фаразлавына караганда, 3 гыйнварда Татарстан һәм Казан юлларында көчле бозлавык көтелә.

Скопировать ссылку

(Казан, 2 гыйнвар, «Татар-информ», Полина Шевчук). Татарстан Гадәттән тыш хәлләр министрлыгы көчле бозлавык вакытында саклык чараларын арттырырга кирәклеге турында искә төшерә. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәте хәбәр итте.

Татарстан Гидрометеорология һәм әйләнә-тирә мохитне мониторинглау идарәсе фаразлары буенча, җомга, 3 гыйнварда, Татарстан һәм Казан юлларында көчле бозлавык, ә республиканың кайбер районнарында бозлавык барлыкка килүе көтелә.

ТР Гадәттән тыш хәлләр министрлыгы бозлавыкның юл хәрәкәтендә катнашучылар өчен җитди куркыныч тудыруын искә төшерә. Машина йөртүчеләргә торак пунктлардан читкә чыгуны кичектереп тору сорала. Юлда куркынычсыз тизлек хәрәкәтен сайларга, кискен маневрлардан һәм кинәт тормозга басудан сакланырга киңәш ителә.

Җәяүлеләргә таймый торган аяк киеме кияргә, урамны махсус җәяүлеләр кичүе буенча гына аркылап чыгарга, юлдан хәрәкәт итүче транспорт каршыннан йөгереп чыкмаска кирәк.

#Гадәттән тыш хәлләр министрлыгы #киңәш #бозлавык

Сәхифәләр

Көчле бозлавык вакытында куркынычсызлык чараларын саклау мөһим