Икътисад 14 ноябрь 2017 07:13

Күченү программасы буенча ел башыннан Россиягә 90 мең ватандашыбыз кайтты

Якын арада программага тагын ике субъект – Татарстан һәм Башкортстан кушылачак.

Скопировать ссылку

(Казань, 14 ноябрь, “Татар-информ”). 2017 ел башыннан Россиягә ирекле күченү программасы кысаларында 90 мең ватандашыбыз кайткан. Бу хакта Россия Эчке эшләр министрлыгы башлыгы Владимир Колокольцев җиткерде, дип хәбәр итә ТАСС.

Колокольцев шулай ук Россиягә соңгы ун елда чит илләрдән кайтучылар статисткасын да җиткергән. Аның сүзләренчә, бу сан хәзер 700 мең кешегә җитеп килә икән.

“10 ел эчендә Россиягә барлыгы 675 меңләп ватандашыбыз кайтты, шуның 90 меңе быел”, – дип билгеләп үткән Россия Эчке эшләр министрлыгы башлыгы. Бүгенге көндә әлеге программада илнең 60 төбәге катнашуын, якын арада анда тагын ике субъект – Татарстан һәм Башкортстан кушылачагын җиткергән.

Искәртеп үтик, ирекле күченү программасы эшенә быел бюджеттан 2 миллиард сумнан артык акча бүленгән.

#Күченү программасы

Сәхифәләр

Күченү программасы буенча ел башыннан Россиягә 90 мең ватандашыбыз кайтты