Juna төркеме "Water-Air-Fire-Earth WAFEst" фестивалендә катнаша
Чара Түбән Новгородта үтәчәк.
Скопировать ссылку
(Казан, 30 июль, "Татар-информ"). Juna төркеме Түбән Новгородта узачак дүрт стихия – "Water-Air-Fire-Earth WAFEst" фестивалендә катнаша. Бу хакта төркемнең социаль челтәрдәге рәсми төркемендә хәбәр ителә. Фестиваль 1-5 август көннәрендә үткәрелә.
Татар классиклары (Габдулла Тукай, Һади Такташ) һәм замандашларның (Йолдыз Миңнуллина, Луиза Янсуар) шигырьләренә татарча инди-фолк башкаручы Juna музыкаль төркеме 2016 елдан бирле актив чыгыш ясый. Соңгы арада алар төрле шәһәрләрдә – Мәскәү, Төмән, Омски, Чабаксар, Казанда концертлар бирде, камералы хор белән эшләргә өлгерде.
Казан төркеменең киләсе чыгышы Түбән Новгородта 4 август көнне сәгать 17.00 дә WAFEst серфлагеренең "Архипелаг" сәхнәсендә булачак.
