Ижевскида татар теле һәм әдәбиятыннан олимпиада уздырыла
Җиңүчеләр Казанда төбәкара олимпиадада катнашачак.
Скопировать ссылку
(Казан, 25 гыйнвар, "Татар-информ"). Бүген Ижевск шәһәренең Габдулла Тукай исемендәге 6 нчы гимназиясендә татар теле һәм әдәбияты буенча республика олимпиадасы узачак. Бу хакта Бөтендөнья татар конгрессы матбугат хезмәте хәбәр итә.
Ижевскида татар теле олимпиадалары 1996 елдан башлап ел саен уздырылып килә.
Республика күләмендәге быелгы белем бәйгесендә Балезин, Юкаменка районнары, Можга һәм Ижевск шәһәрләренең мәктәп олимпиадаларында җиңгән 47 укучы катнашачак.
Республика олимпиадасының җиңүчеләре Казанда узачак татар теле һәм әдәбияты буенча төбәкара олимпиадада белемнәрен күрсәтәчәк, диелә конгрессның матбугат хезмәте хәбәрендә.