Татар дөньясы 15 гыйнвар 2019 16:03

Ижевскида "Татар кызы" бәйгесе катнашучылары кыстыбый пешерергә өйрәнгән

Мастер-классны җирле милли ризыклар кафесының пешекчесе уздырган.

Скопировать ссылку

(Казан, 15 гыйнвар, "Татар-информ"). Ижевскида "Татар кызы-2019" бәйгесендә катнашучыларны кыстыбый пешерергә өйрәткәннәр. Бу хакта җирле татар яшьләренең "Иман" оешмасы хәбәр итә.

Мастер-классны җирле милли ризыклар кафесының пешекчесе уздырган.

"Татар кызы-2019" бәйгесе координаторы Рушана Саттарова фикеренчә, татар кызы уңган хуҗабикә булырга, пешерә, тегә белергә тиеш. "Ә безнең катнашучыларыбыз бөтен нәрсәне дә булдырырга тиеш. Шуңа да алар өчен төрле мастер-класслар оештырырыга тырышабыз", - ди ул.

Быел Удмуртиядә төбәк "Татар кызы" бәйгесендә 10 туташ катнаша. Кастинг ноябрь аенда, Казанда үткән "Татар кызы" Халыкара бәйгесе тәмамланганнан соң уздырылган булган.

#ижевски #татар кызы

Сәхифәләр

Ижевскида "Татар кызы" бәйгесе катнашучылары кыстыбый пешерергә өйрәнгән