Ижевск шәһәренең татарлар яшәгән урамнарында Сабан туена бүләкләр җыялар
Удмуртия башкаласында быел Сабан туен 23 июньдә бәйрәм итәчәкләр.
Скопировать ссылку
(Казан, 31 май, "Татар-информ"). 10 июньдә Ижевск шәһәренең Калининград, Севастополь һәм шуларга якын-тирә урамнарда Сабан туена бүләк җыячаклар. Бу хакта җирле "Яңарыш" газетасы хәбәр итә.
Кичен “Спартак” Халык иҗаты йорты янындагы скверда Ижевск шәһәре үзешчән ансамбльләре, артистлары концерты булачак.
"Сабан туена бүләк бирергә теләгән милләттәшләребез, матур концертны тамаша кылып, бүләкләрен шунда да тапшыра ала. Шулай ук бүләкләрне “Яңарыш” редакциясенә китерергә мөмкин", - дип хәбәр ителә.
- Удмуртия башкаласында быел Сабан туе 23 июньдә узачак. Сарапул, Воткинск, Можга калаларында исә милли бәйрәм 15 июньгә билгеләнгән.