Мәдәният 23 ноябрь 2017 07:21

Ижевск шәһәренә Россия төбәкләреннән төрле милләт балалары җыела

Удмуртия башкаласында «Миллениум стар» Бөтенроссия ачык фестиваль-конкурсы уздырыла.

Скопировать ссылку

(Казан, 23 ноябрь, “Татар-информ). 24-26 ноябрьдә Ижевск шәһәрендә «Миллениум стар» дип исемләнгән Бөтенроссия ачык фестиваль-конкурсы уздырыла.
Фестиваль Россия Президенты каршындагы Милләтара мөнәсәбәтләр Советының Дәүләт милли сәясәтен мәгълүмати тәэмин итү комиссиясе ярдәме белән оештырыла.

Чараны уздыруга Удмуртия Республикасы Мәдәният министрлыгы, Удмуртия Республикасының Физик культура, спорт, яшьләр сәясәте министрлыгы җитәкчелек итә, диелә Татарстан Мәгариф һәм фән министрлыгы матбугат хезмәте хәбәрендә.

Фестиваль-конкурс Россия төбәкләрендә яшәүче төрле милләт балалары һәм яшьләре арасында дуслык элемтәләрен ныгыту һәм шулай ук Россия балалары һәм яшьләренең үзешчән иҗатын үстерүдә ярдәм итү максатыннан үткәрелә.

#Ижевск #ачык фестиваль-конкурс

Сәхифәләр

Ижевск шәһәренә Россия төбәкләреннән төрле милләт балалары җыела