Хәвеф-хәтәр 10 ноябрь 2017 11:26

Ижауда йорт подъезды җимерелү нәтиҗәсендә һәлак булган кешеләрнең исемлеге бастырылды

Фаҗигадә барлыгы 6 кеше (шуларның икесе – бала) һәлак булган. Алар арасында татар исемле кеше дә бар.

Скопировать ссылку

(Казан, 10 ноябрь, «Татар-информ»). Ижауда йорт подъезды җимерелү нәтиҗәсендә һәлак булган алты кеше арасында бишесенең шәхесләре ачыкланды, дип хәбәр итә tvzvezda.ru.

«Подъезд җимерелү нәтиҗәсендә 69 яшьлек Любовь Б., 13 яшьлек Кирилл К., 48 яшьлек Илдар Г., 8 яшьлек Дарья К., 56 яшьлек Герман К. һәм тагын бер хатын-кыз һәлак булган. Аның шәхесе әлегә ачыкланмаган», - диелә сайтта.

Шунысын да искәртик: кичә Ижау шәһәрендә шартлау нәтиҗәсендә Удмуртская урамындагы күпкатлы торак йортның бер өлеше җимерелеп төшә. Ижауның әлеге йорт урнашкан Октябрь районында гадәттән тыш хәл режимы игълан ителгән. Соңгы мәгълүматлар буенча, фаҗигадә алты кешенең гомере өзелгән.

#Ижау #йорт җимерелү

Сәхифәләр

Ижауда йорт подъезды җимерелү нәтиҗәсендә һәлак булган кешеләрнең исемлеге бастырылды