Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Изге Болгар җыены» катнашучыларына Мөхәммәд пәйгамбәрнең изге ядкарьләре күрсәтеләчәк
2023 елда Мөхәммәд пәйгамбәргә бәйле истәлекле әйберләрнең төп нөсхәләре күргәзмәсе «Изге Болгар җыены»ның төп вакыйгасы булачак. Изге әйберләрне күрсәтү 21 майга планлаштырылган. Бу хакта KazanForum халыкара форумына багышланган брифингта Татарстан мөфтие Камил Сәмигуллин сөйләде.
Ул «Изге Болгар җыены» кысаларында ел саен татар дин әһелләренең зур съезды узуын искәртте. Узган елларда бу вакыйга мәйданчыгына бөтен Россиядән һәм чит илләрдән 1,2 меңгә якын имам килгән иде.
«Быел без Мөхәммәд пәйгамбәрнең изге ядкарьләрен китерергә телибез. Алар – 11 әйбер, без аларны бер көнгә генә чыгарып күрсәтәчәкбез», – дип сөйләде Татарстан мөфтие.
Аның сүзләренчә, хәзер май аенда булачак күргәзмә өчен ядкарьләрне китерү һәм урнаштыру мәсьәләләре карала.
Исегезгә төшерәбез, 17 гыйнварда Россия Президенты Владимир Путин Казанда «Россия – Ислам дөньясы» халыкара икътисади форумының ел саен уздырылачагы турында карар имзалады. Россия Федерациясе вице-премьеры Марат Хөснуллин җитәкчелегендәге оештыру комитетының беренче утырышы 2 февральдә Татарстан Республикасы Рәисе Рөстәм Миңнеханов катнашында узды.
Кызыклы яңалыкларны күзәтеп бару өчен Телеграм-каналга язылыгыз