Ижевскида Россия халыклары телләре көненә багышланган дуслык бәйрәме узды
Скопировать ссылку
8 сентябрьдә Россия халыклары телләре көне билгеләп үтеләчәк. Бу уңайдан Удмуртия башкаласы – Ижевск шәһәрендәге Муса Җәлил исемендәге китапханәдә бәйрәм чарасы узган. Бу хакта Удмуртиянең «Яңарыш» газетасы хәбәр итте.
Чараның максаты – Россия халыклары телләрен саклау һәм аларга ярдәм итү. Бәйрәм туган телгә, милли киемгә, милләтләрнең гореф-гадәтләренә багышланды, диелә хәбәрдә.
Бәйрәмдә өч милләт вәкилләре очрашкан: «Бәхет» татар ансамбле, «Задор-мылкыд» удмурт ансамбле һәм «Вересень» рус ансамбле һәрберсе үз милләтенең гореф-гадәтләре белән таныштырган. Дуслык бәйрәме зур түгәрәк уенга басып җыр-бию белән тәмамланган.