Ижевскида Россия халыклары мәдәниятенә багышланган этнофатирниклар циклы уза
Скопировать ссылку
Ижевск шәһәренең 5нче номерлы балалар сәнгать мәктәбендә этнофатирниклар циклы дәвам итә. Күптән түгел татар һәм рус халкы вәкилләре катнашында очрашу үткәрелсә, бу юлы чара удмурт халкы мәдәниятенә багышланган. Бу хакта Удмуртия татарлары милли-мәдәни автономиясе хәбәр итә.
Чара «Гаиләләр бердәмлегендә — халык көче» дип аталган мәдәни-белем бирү гаилә марафоны кысаларында үткәрелә.
Бәйрәмдә Мөсифуллиннар һәм Шәеховлар гаиләләре кунак булган. Алар удмурт мәдәнияте, гореф-гадәтләре белән таныштырган һәм музыкаль номерлар бүләк иткән. Чарада катнашучылар өчен төрле остаханәләр, күргәзмәләр һәм интерактив зоналар оештырылган.