Сызраньда пилотсыз очкычлар һөҗүме нәтиҗәсендә торак йортның берничә каты җимерелгән
Скопировать ссылку
Сызраньда Украинаның пилотсыз очкычлары һөҗүме нәтиҗәсендә дүрт катлы йорт подъездында берничә этаж җимерелеп төшкән. Бу хакта Самара өлкәсе губернаторы Вячеслав Федорищев хәбәр итте.
Нәтиҗәдә 11 кеше, шул исәптән ике бала зыян күргән. Күрше подъездларда яшәүчеләрне эвакуацияләгәннәр. Аларга медицина һәм психологик ярдәм күрсәтелә. Эзләү эшләре дәвам итә, дип хәбәр итә ТАСС агентлыгы.
