Июньнең соңгы көнендә Татарстанда яшенле яңгырлар һәм +23 градуска кадәр җылы көтелә

Скопировать ссылку

Бүген, 30 июньдә, Татарстанда дымлы, тотрыксыз һәм салкынча һава торышы саклана. Бу хакта ТР Гидрометеорология үзәге хәбәр итә.

Республикада аязучан болытлы һава көтелә. Иртән һәм көндез яңгырлар явачак. Кайбер районнарда, Казанны да кертеп, яшенле яңгырлар булуы ихтимал.

Көньяк һәм көньяк-көнбатыштан исүче җилнең тизлеге секундына 7-12 метрга кадәр көчәя, кайбер урыннарда аның тизлеге 15-20 метрга җитәчәк.

Көндез Татарстанда һава температурасы +18..+23 градус җылы булачак (ТР башкаласында – +18..+20 градус).