Җәмгыять 18 апрель 2022 20:48

Июньдә Татарстаннан Казахстанга пассажир поездлары йөри башлый

Скопировать ссылку

Июнь аенда Татарстаннан Казахстанга пассажир поездлары йөри башлый. Якын арада билетлар сатуга чыга. Билетларны 45 тәүлек алдан сатып алырга мөмкин.

«Июньдә тагын биш поезд йөри башлаячак: Алма-Ата-Саратов, Караганда-Самара, Алма-Ата-Новосибирск, Караганда–Омск, Алма -Ата–Казань», диелгән Россия тимер юллары матбугат хезмәте хәбәрендә.

Казахстанга йөрүче поездлар яңа коронавирус инфекциясе таралуны кисәтү сәбәпле туктатылган иде. Якын арада «Казахстан Темир Жолы» компаниясенең алты поезды расписаниега кертеләчәк. 20 апрельдән Атырау-Әстерхан поезды пассажирларны йөртә башлый.

Россиядән Казахстанга килгән барлык пассажирлар да казах, рус яки инглиз телендә ковидка тискәре тест нәтиҗәләрен яки коронавирус инфекциясенә каршы вакцинация яки ревакцинация узуы турында сертификат (икенче прививканы ясаткач 6 айдан артык вакыт узарга тиеш түгел) күрсәтергә тиеш.

Covid-19 инфекциясенә тест ясаткач Казахстанның дәүләт чиген чыккан вакытка 72 сәгатьтән артык вакыт узмаган булырга тиеш. Тест нәтиҗәләре биш яшькә кадәрге балалар өчен кирәк түгел.

Сәхифәләр

Июньдә Татарстаннан Казахстанга пассажир поездлары йөри башлый