Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Июль ахырына кадәр Татарстанда яңа температура рекордлары көтелми
Татарстанда июль ахырына кадәр яңа температура рекордлары булмаячак. Бу хакта «Метео» прогноз үзәге җитәкчесе Александр Шувалов белдерде. Казан мэриясенең матбугат хезмәте шул турыда хәбәр итә.
«Уйламагыз да, бернәрсә дә булмаячак. Июль ахырына кадәр бернинди рекордлар да узылмас», - дип белдерде метеоролог. Ул республика территориясендә июльнең максималь температурасы аномаль эссе булган 2010 елда ук теркәлгәнен искәртте.
«Эссе һава торышы көтелә, Татарстанның көньяк-көнчыгышында да иң күбе – +32, +33 градус. Ә Казанда якынча +30, +31 градус тирәсе. Һава торышы эссе, әмма рекордлы түгел», – дип ачыклык кертте Шувалов.
«Татар-информ» пәнҗешәмбегә +34 градуска кадәр эсселек, яшен һәм боз фаразлануын хәбәр иткән иде. Россиянең Гидрометеорология үзәгендә Татарстанда +37 градуска кадәр эссе буласын әйттеләр.
Кызыклы яңалыкларны күзәтеп бару өчен Телеграм-каналга язылыгыз