Дин 8 апрель 2019 10:46

Иваново мәчетендә юридик көллият студентларына ислам традицияләре хакында сөйләгәннәр

Яшьләрне тарихи китаплар күргәзмәсе белән таныштырганнар, көнчыгыш тәм-томнары белән сыйлаганнар.

Скопировать ссылку

(Казан, 8 апрель, «Татар-информ»). Иваново Җәмигъ мәчетендә Ачык ишекләр көнендә мәктәп укучылары һәм студентлар өчен экскурсия оештырганнар. Аларга ислам дине традицияләре хакында сөйләгәннәр. Бу турыда Россия Мөфтиләр Шурасы сайты хәбәр итә.

Мәктәп укучылары һәм студентлар өчен дини үзәк буйлап экскурсия үткәрелгән. Биредә шулай ук тарихи китаплар күргәзмәсе белән таныштырганнар, көнчыгыш тәм-томнары белән сыйлаганнар.

Кунаклар өчен махсус азан әйткәннәр. Теләгән һәркемгә үз исеме гарәп телендә язылган карточка тапшырылган.

Бу Иваново юридик көллияте студентларының мәчеткә Ачык ишекләр көненә беренче тапкыр гына килүе түгел инде. Алар ел саен ислам дине һәм мөселман мәдәнияте турында үзләре өчен яңа мәгълүматлар ала, диелгән әлеге хәбәрдә.

#мәчет #иваново #мәскәү

Сәхифәләр

Иваново мәчетендә юридик көллият студентларына ислам традицияләре хакында сөйләгәннәр