Мәдәният 16 февраль 2018 07:13

IV Төрки яшьләр фестивале кысаларында фильмнар күрсәтелә

IV Төрки яшьләр фестивале Казанда 18-21 февральдә узачак.

Скопировать ссылку

(Казан, 16 февраль, “Татар-информ”). 21 февраль көнне “Мир” кинотеатрында Татарстан Республикасы Мәдәният министрлыгы ярдәмендә IV Төрки яшьләр фестивале кысаларында фильмнар күрсәтелә. Бу макта министрлыкның матбугат хезмәте хәбәр итә.

Тамашачыларга Төмәндә яшәүче сәүдәгәр Нигъмәтулла хаҗи Сәйдүков турында «Салам алейкум, Сибирь» (реж. Д.Халилова) һәм ата-аналар һәм балалар проблемалары, тормышның чын кыйммәтләренә багышланган “Дикарь ” (реж. Ф.Утарбаева) фильмнары тәкъдим ителә. “Дикарь” фильмы XIII Казан халыкара мөселман киносы фестивалендә “Яшь Россия” номинациясендә җиңгән иде.

IV Төрки яшьләр фестивале Казанда 18-21 февральдә узачак. Чараны Татарстан Республикасы Яшьләр эшләре һәм спорт министрлыгы, Федераль татар милли-мәдәни мохтәрияте, “Идел” яшьләр үзәге тарафыннан оештырылган.

#Мәдәният министрлыгы

Сәхифәләр

IV Төрки яшьләр фестивале кысаларында фильмнар күрсәтелә